Saamstaan: Covid-hulp aan behoeftiges vir VM Reis

Beste Vriende

Ons vertrou dit gaan goed en steeds gesond met julle na hierdie moeilike 2020 jaar totdusver. Ons is self dankbaar steeds gesond.

Daar is heelwat mense wat só nodig het om hulle Reis in Menswees te doen, maar wat as gevolg van die covid-19 toestand nie genoegsame of glad nie fondse het nie. Volwasse Menswees kon nie enige beplande kursus of werkswinkel hierdie jaar aanbied as gevolg van die infeksiekrisis nie.

Die 2014 Reis in Menswees-groep het skenkings gelewer sodat een persoon die Reis in Menswees individueel kon doen in September by die VM-bedieningshuis in Hermanus.

Ons wil jou uitnooi om asseblief ook te oorweeg om, saam met andere wat reeds hulle kursus gedoen het, te help bydra om behoeftiges te borg.

Ons bied tans ‘n gesubsideerde 20% covid-korting prys van R5,600 aan vir die 8-dag Reis in Menswees tydens 9 – 16 Desember op Leliefontein Plaas. Voltooi ons registrasievorm aanlyn

Op hierdie wyse kan Volwasse Menswees steeds bly funksioneer as charity, en ‘n hele paar mense kan dan dankbaar die seën van ‘n Reis in Menswees beleef en verder uitdra.

Daar kan aan jou ‘n belastingsertifikaat uitgereik word, wat beteken dat jy jou donasie vir korting by SARS kan indien, en op hierdie manier weer jou skenking kan terugkry, om dalk wéér aan te wend.

Indien wel, kan jy antwoord op hierdie epos sodat ‘n belastingsertifikaat aan jou gestuur kan word, en is die bankbesonderhede as volg:

Mature Personhood NPC
ABSA Hermanus
9087905585
Verwysing: voorletter, van, Des20 donasie
Stuur asseblief ook ‘n depositobewys na: info@volwassemenswees.org

Ons nooi jou ook uit om Volwasse Menswees se Facebook bladsy te volg en om ook deel te word van die Volwasse Menswees / Mature Personhood Facebook groep, indien jy sou wou.

Verdere inligting oor die Reis in Menswees en die verskillende werkwinkels is beskikbaar by: www.volwassemenswees.org

Ons verneem ook graag nuus oor hoe dit met jou gaan.

Seëngroete.

Benna en Susan
Benna en Susan

Jasper en Riekie
Jasper en Riekie

 

About the Author

Leave a Reply

*

captcha *